Бронзен медал и второ место за Теа Ангелова на 9. Меѓународна економска олимпијада во Кина | Umno.mk

Средношколката Теа Ангелова освои бронзен медал на 9. Меѓународна економска олимпијада што од 12 до 20 јули се одржа во Шенжен, Кина. Теа, која е ученичка во Меѓународното училиште НОВА, освои и второ место на натпреварот IEOx Youth Talks.

Во тимот членуваа и Ванеса Томова од „Јахја Кемал“ од Скопје, Оливера Џамбазова од „Орце Николов“ од Скопје, Стефан Младеновски од „Јосиф Јосифовски“ од Гевгелија и Георги Јаковлев од „Јахја Кемал“ од Струга. Водичи на тимот беа проф. д-р Анета Гацовска0Барандовска и ас. м-р Стево Ѓоргиев од Институтот за математика при Природно-математички факултет во Скопје.

Натпреварот се состоеше од Економија и финансии – прашања со повеќе одговори и отворени прашања и изработка на бизнис план.

Во конкуренција од 56 земји и над 260 натпреварувачи од целиот свет, нашите претставници постигнаа извонредни резултати. Водичите на тимот ги поминаа квалификациите за жири, имаа предлози за прашања со повеќекратни одговори и отворени прашања од кои сите беа прифатени, а активно учествуваа и во евалуацијата на бизнис плановите во првата фаза.

Подготовките беа реализирани од водичите на тимот во соработка со експерти од: Народна банка на Македонија, Државниот завод за статистика, Комисијата за хартии од вредност, Агенцијата за супервизија во осигурувањето, Македонска берза, ВФП Фонд Менаџмент, Македонија Осигурување Виена Иншуренс Груп.