Сребро, две бронзи и пофалница за македонските физичари | Umno.mk

Три медали и пофалница освоија македонските физичари на 8. Балканска олимпијада во Истанбул, Турција.

Сребрен медал освои Валентино Атанасоски, а бронзени освоија Филип Хаџи-Велков и Андреј Тасиќ. Јаков Геговски освои пофалница.

Сите четворица се ученици во приватното средно училиште „Јахја Кемал“ во Скопје.

Младите физичари се натпреваруваа во конкуренција на 51 учесник од 13 држави од Балканот, Европа и Азија. Водачи на нашиот тим се проф. Станиша Велковиќ, член на Друштвото на физичарите на Република Македонија и поранешен олимпиец и Андреј Стојановски, студент на Институтот за физика при Природно – математичкиот факултет во Скопје и поранешен олимпиец.

Претставник во Научниот одбор на оваа олимпијада од Македонија беше Војо Митревски, член на Комисијата за натпревари при ДФРМ и поранешен олимпиец.

ДФРМ, научно здружение кое ги подготвува нашите ученици за домашните и за меѓународните натпревари подготовките ги вршеше на Институтот за физика и ПМФ, со поддршка од Војо Митревски, Станиша Вељковиќ, Андреј Стојановски и Јан Стојановски кои учествуваа во подготовките на тимот.