Обука за видео монтажа - ПСУ „Јахја Кемал„ Скопје - Дигитални Хоризонти

Во Скопје се одржа тридневна обука за видео монтажа во рамките на проектот Дигитални Хоризонти: Засилување на младите преку видео раскази. Учениците имаа можност да научат како од необработен материјал да создадат целосна и креативна видео приказна.

Преку практична работа и групни сесии, учесниците се запознаа со целиот процес на видео монтажа – од организирање на материјалите, сечење и редење на кадри, до додавање транзиции, звук и визуелни ефекти.

Тие работеа со професионалниот софтвер DaVinci Resolve, каде што стекнаа вештини за креирање титлови, графики и подобрување на бојата на видеото.

Еден од најинтересните моменти беше споредбата помеѓу почетниот материјал и финалната верзија, каде што јасно се гледа напредокот и креативниот пристап на учениците.

Дополнително, учесниците научија како да работат со повеќе камери и да синхронизираат различни видео извори – техника која се користи во интервјуа, настани и студиски продукции.

На крајот од обуката, секоја група ги презентираше своите проекти и доби корисни насоки за понатамошно подобрување.

Ова искуство значително придонесе за развојот на дигиталните вештини, креативноста и самодовербата кај учениците.